ОЧИТЕ НА МИХАЛИНА

Книги, романи за млади

Автор:  Марќин Шчигелски (Полска)
Наслов на оригиналот:  OCZY MICHALINY 

Превод од полски јазик:  Филип Димевски
Возраст: 9-15 години / 402 стр. / 15 x 21 cm

ISBN 978-608-4998-45-7

Ѕирни во содржината:

Научнофантастичен роман за читатели на возраст од 9 до 15 години.

Михалина живее во Градот на четири ветрови – огромен, воедно неверојатно стар и супермодерен. Град во кој живеат милиони луѓе, во кој се одржуваат големи панаѓури, фестивали и концерти. Град на стаклени облакодери, ултрабрзи возови, подвижни патеки и големи, шарени екрани. Но, тоа е град и на разурнати, растурени урнатини што масовно ги посетуваат загрижени археолози...

Нештата што понекогаш ги гледа Михалина честопати се опасни, забавни, интересни, чудни, прекрасни, грди, некојпат страшни, но никогаш, баш никогаш не се обични. Се разбира, тука станува збор за нешта што другите, освен таа, не ги забележуваат, зашто Михалина секој ден гледа милиони ситни нешта од кои се состои светот што ја опкружува. Најпосле, има очи, нели? Овде се работи за Специјални нешта, како што Михалина ги нарекува за сопствена употреба, иако, всушност, воопшто не се нешта и ни најмалку не се материјални.
Најверојатно...